Futboll

Petkoviq: Nuk jemi të varur nga lojtarët individual

Vladimir Petkoviq ka komentuar mungesën e Xherdan Shaqirit

Zvicra sonte përballet me Irlandën në udhëtim, derisa një nga çështjet më përfolura është mungesa e Xherdan Shaqirit, i cili ka thënë se do të përqendrohet me Liverpoolin, derisa mediat zvicerane shkruajnë se ai është i pakënaqur që Granit Xhaka është bërë kapiten dhe jo ai.

Disa media të tjera raportojnë se Shaqiri ka probleme me trajnerin Petkoviq, shkruan albinfo.ch.

Trajneri i Zvicrës nuk kishte si të ikte nga komentimi i kësaj çështjeje në konferencën për media. “Ne kemi një sistem që nuk varet nga lojtarët individual”, është shprehur Petkoviq.

Më herët Petkoviq deklaroi se nuk ka probleme me futbollistin shqiptar, derisa e kupton vendimin e tij.

Zvicra nga ora 20:45 përballet me Irlandën në kualifikimet e Euro 2020, derisa më pas do të përballet edhe me Gjibraltarin.