E-Diaspora

Policia e trafikut e gjen kufomën në makinë dhe vrasësin me armë në dorë

Pasi është ndalur makina, shoferi ka dalë jashtë saj. Ai mbante në dorë një armë...

Të shtunën, 8 shkurt 2020, në orën 1.18 pas mesnatës, një patrullë policore që po bënte inspektimin e makinave ka ndalur për ta kontrolluar një makinë Ford në zonën e vendbanimit Minfeld.

Pasi është ndalur makina, shoferi ka dalë jashtë saj, shkruan merkur.de. Ai mbante në dorë një armë, të cilën menjëherë e ka hedhur duke provuar ta fshihte. Por, ajo që ka gjetur policia në ulësen krahas shoferit ka qenë e tmerrshme: një grua e pajetë e cila kishte plagë të shkaktuara me armë zjarri.

Mjeku i urgjencës i alarmuar ka mundur të përcaktonte vetëm vdekjen e gruas, transmeton albinfo.ch. Gruaja ishte një 33-vjeçare nga Landau, ish-partnere e të dyshuarit për vrasje. 32-vjeçari kosovar është arrestuar përkohësisht.

Komisioni për hetime rreth vrasjeve në kuadër të Inspeksionit Qendror Penal ka filluar hetimet, përcjell albinfo.ch. 32-vjeçari është sjellë para gjyqtarit të hetimeve në Gjykatën e rrethit Landau të shtunën pasdite. Me kërkesën e prokurorit publik Landau, ky i fundit ka urdhëruar urgjentisht ndalimin e të dyshuarit. Ai është dërguar në një institucion korrektues (burg).

Ndërkohë janë duke vazhduar hetimet nga zyra e prokurorit publik Landau dhe nga komisioni që merret me rastet e vrasjeve.