Policia kërkon shqiptarin për plagosje të rëndë të ish partnerit të gruas

37-vjeçari shkoi në banesën e ish-partneres së tij ditën e sulmit dhe u sulmua atje nga i dyshuari, një shqiptar 40 vjeçar

Policia e Essenit po kërkon publikisht një person të dyshuar në lidhje me një sulm të rëndë në Mülheim an der Ruhr. Sipas hetuesve, një burrë 37-vjeçar është plagosur rëndë me një armë të ftohtë në Elisabeth-Selbert-Straße më 26 nëntor, transmeton albinfo.ch.

Një njësi për hetimin e vrasjeve nga policia e Essenit po heton nën drejtimin e prokurorisë publike të Duisburgut.

Policët kanë identifikuar të dyshuarin. Ai është një burrë 40-vjeçar shqiptar pa adresë fikse në Gjermani dhe besohet të jetë partneri i ri i ish-partneres së viktimës, shkruan nachrichten-heute.net.

Sipas gjendjes aktuale të hetimit, 37-vjeçari shkoi në banesën e ish-partneres së tij ditën e sulmit dhe u sulmua atje nga i dyshuari.

Policia ka publikuar foto dhe të dhëna personale të burrit të kërkuar dhe po i kërkon publikut ndihmë. Kushdo që ka informacion në lidhje me vendndodhjen e burrit, kërkohet të telefonojë në numrin e emergjencës 110.

Policia paralajmëron publikun të mos i afrohen, pasi ai mund të jetë i armatosur dhe i rrezikshëm.

---