Policia kroate i keqtrajton refugjatët

Si problematikë tjetër shihet edhe mosfinancimi i kampit nga BE-ja, me arsyen se Brukseli nuk dëshiron të financojë kampe refugjatësh në afërsi të kufijve të saj. Në Greqi ka rreth 50 mijë refugjatë, të cilët mund të vijnë në Bosnjë në rast se ky kamp financohet nga BE-ja.

Dëshmitarët okularë në një kamp refugjatësh në Bosnjë tregojnë se gjithmonë e më tepër persona tentojnë të shkojnë në BE pa dokumente të rregullta, shkruan “Euronews”. Por shumica e tyre dështojnë te kufiri kroat, të cilët kapen nga policia dhe dërgohen përsëri në Bihaç të Bosnjës.

Vullnetarja Ivana tregon për median evropiane se në kamp flenë “shumë refugjatë në hapësirë të vogël”. Kushtet janë të këqija, ndërsa ka refugjatë të cilët kanë lëndime në “kokë dhe duar”, përcjell albinfo.ch.

Si problematikë tjetër shihet edhe mosfinancimi i kampit nga BE-ja, me arsyen se Brukseli nuk dëshiron të financojë kampe refugjatësh në afërsi të kufijve të saj. Në Greqi ka rreth 50 mijë refugjatë, të cilët mund të vijnë në Bosnjë në rast se ky kamp financohet nga BE-ja.

Dhuna policore në kufi

Një refugjat tregon se në kufirin kroat është keqtrajtuar nga një polic. Edhe pse i kishte treguar se nuk ka bukë për të ngrënë, ai e kishte qëlluar me shkop në këmbë dhe ia kishte marrë paratë. Ky nuk është rast i vetëm, përcjell albinfo.ch. Mjeku boshnjak Senad Okaovic tregon për së paku 34 raste të tilla.  Megjithatë, policia kroate ka hedhur poshtë të gjitha akuzat.

Vendet perëndimore i frikësohen një skenari të 2015-ës, ku rreth një milion refugjatë u dergjën për strehim në Perëndim.