Portugalia, kampioni i ri evropian

Për Portugalinë ky është titulli i parë evropian

Me golin e artë të Eder, në pjesën e dytë të vazhdimeve nga 15 minuta, Portugalia mundi Francën dhe u bë kampioni i ri evropian Euro 2016. Ndeshja në kohën e rregullt përfundoi pa gola, edhe pse Franca kishte më shumë shanse për të shënuar gol në rrjetin e Portugalisë, por nuk arriti të realizojë pas shumë përpjekjeve. Dhe pa kapitenin Ronaldo, i cili në minutën e 25-të ka lënë fushën për arsye të lëndimit, portugezët kanë dëshmuar në mbrojtje dhe shansin e ka shfrytëzuar Eder për ta shuar ëndrrën e Francës për një titull të katërt evropian.

Loja u vendos në minutën e 109-të, kur Eder me një gol nga një distancë e madhe solli fitore të madhe për Portugalinë.

Për Portugalinë ky është titulli i parë evropian.