Presidenti i Shqipërisë thotë se nuk ka asgjë personale me Cakajn 

Presidenti i Shqipërisë, Ilir Meta, ka thënë se Gent Cakajn do ta dekretonte në krye të ndonjë ministrie tjetër të kabinetit qeveritar shqiptar, por jo në pozitën e ministrit të Jashtëm.

 Meta ka thënë se Cakaj nuk i plotëson kushtet për t’u emëruar ministër i Jashtëm, përcjell albinfo.ch

“Nuk kam asnjë lloj paragjykimi që ai vjen nga Kosova. I kam thënë kryeministrit Rama se mund ta emëronte Cakajn në pozitën e ministrit të Kulturës për shembull, por jo në Ministrinë e Jashtme”, ka thënë Meta. 

Javën e kaluar presidenti Ilir Meta nuk e dekretoi Gent Cakajn për ministër të Jashtëm, ndërkaq kryeministri Edi Rama ka njoftuar se do të jetë edhe ministër i Jashtëm.