Presidenti turk akuzon Bashkimin Evropian se po distancohet nga Turqia

Presidenti turk, Recep Tayyip Erdogan, ka akuzuar Bashkimin Evropian se po distancohet nga Turqia, ndërsa përpjekjet e Ankarasë për anëtarësim në bllokun evropian kanë ngecur.

Ai kishte marrë premtim nga Brukseli se bisedimet për anëtarësim, të cilat fillimisht kishin nisur në vitin 2005, do të “ringjalleshin”, në këmbim të heqjes së bllokadës së Ankarasë për pranimin e Suedisë në NATO.

Komisionari i BE-së për Zgjerim, Oliver Varhelyi, para disa javësh vizitoi Turqinë dhe deklaroi se përderisa anëtarësimi ka “potencial të madh”, blloku evropian kërkon që të shohë veprime të Turqisë sa i përket çështjes së të drejtave të njeriut para se të rinisin bisedimet, raporton REL, përcjell albinfo.ch.

Ndryshe, më 1999 Turqia kishte aplikuar për anëtarësim në Bashkimin Evropian, por bisedimet për anëtarësim nisën më 2005.

Bisedimet kanë ngecur që nga viti 2018 dhe Parlamenti Evropian ka thënë se ngrirja e bisedimeve ka ndodhur për shkak të “ngecjeve në demokraci”.