Presidenti turk: Gaza – e palestinezëve, do të mbetet ashtu pafundësisht

Presidenti i Turqisë, Recep Tayyip Erdogan, ka deklaruar se Gaza është tokë e Palestinës dhe e palestinezëve, dhe do të mbetet e tillë pafundësisht.

Siç ka raportuar Anadoly Agenci, Erdogan duke folur rreth sulmeve të Izraelit drejt Gazës, ai tha se çdo dy nga tre persona të martirizuar në Gaza përbëhen nga fëmijë, foshnja dhe gra, ndërsa numri i banorëve të zhdukur të Gazës ka shkuar në mbi 6.500, përcjell albinfo.ch.

“Ata që përpiqen të heshtin përballë vdekjes së kaq shumë të pafajshmëve, madje edhe e legjitimojnë duke u justifikuar me Hamasin, nuk u ka mbetur fjalë për të thënë”, ka deklaruar ai.

Duke folur për rezolutën e miratuar në Asamblenë e Përgjithshme të OKB-së, presidenti turk tha: “Nga njëra anë, janë 121 shtete që thonë ‘Le të ndalet lufta, të mos derdhet më gjak’, e nga ana tjetër janë 3-5 shtete që i japin ‘çek bosh’ Izraelit”.

“Gaza është tokë e Palestinës, është e palestinezëve dhe do të mbetet ashtu pafundësisht. Nuk do të lejojmë të harrohet çështja e armëve bërthamore, ekzistimin e të cilëve Izraeli e pranon. A ka Izraeli bombë atomike? Kanë, por nëse i pyesim, thonë se nuk kanë. Rruga për paqe në rajonin tonë kalon nga themelimi i shtetit palestinez. Ne jemi të gatshëm për çdo përgjegjësi, përfshirë atë të garantuesit, për sigurimin e paqes”, u shpreh tutje ai.