Kriza në Ukrainë
Presidentja Osmani dhe kryeministri Kurti, në dyvjetorin e fillimit të luftës, shprehin mbështetjen për Ukrainën
Presidentja e Kosovës, Vjosa Osmani, dhe kryeministri i Kosovës, Albin Kurti, në dyvjetorin e fillimit të luftës në Ukrainë kanë shprehur mbështetjen për vendin.
Përmes një postimi në rrjetin social “Twitter”, Osmani ka thënë se qëndrojnë krah Ukrainës kundër agresionit rus, sepse e dinë se sa i lartë është çmimi për lirinë, transmeton albinfo.ch.
“Ne qëndrojmë me Ukrainën, sepse e dimë se si është të paguash çmimin më të lartë për lirinë. Ne e dimë dhimbjen e humbjes së fëmijëve të pafajshëm; të dhunës seksuale gjatë luftës; e varreve masive me eshtrat e njerëzve tanë të dashur. Por liria fitoi dhe do të mbizotërojë përsëri! Slava Ukraina!”, ka shkruar ajo.
Në anën tjetër, kryeministri i Kosovës, Albin Kurti, ka thënë se Kosova qëndron e palëkundur në mbështetjen ndaj Ukrainës.
Në rrjetin social “Twitter”, Kurti ka shkruar se përballë agresionit brutal, populli ukrainas i ka rezistuar me sukses përpjekjes së Rusisë për të kapur dhe pushtuar Kievin.
“Ushtarët e tyre vazhdojnë luftën e një populli të tërë – të guximshëm dhe të vendosur si kurrë më parë. I përshëndesim dhe i garantojmë mbështetjen tonë të palëkundur, derisa fitorja të jetë e tyre”, ka shkruar ai.
Ndryshe, Ukraina nuk njeh pavarësinë e Republikës së Kosovës.
Të tjera nga Kriza në Ukrainë
E-Diaspora
-
Vjenë
Vjenë: Kori Siparantum, edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
Jeta në Zvicër
-
Udhëtimi me tren nga Zvicra në këto qytete italiane do të ndërpritet për tre muaj Nga 9 qershori dhe për të paktën tre muaj, shërbimi i trenave midis qyteteve italiane Domodossola...
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore