Bota

Princi i Kurorës Muhammed bin Salman viziton Britaninë

Princi i kurorës së Arabisë Saudite, Muhammed bin Salman, të mërkurën do të fluturojë për në Londër ku do të takojë mbretëreshën, kryeministrin dhe përfaqësues tjerë britanikë. Vizita e tij ka ngjallur interes mjaft të madh, ku më së tepërmi spikasin afishet e ngjitura nëpër rrugët e Londrës: “He is bringing change to Saudi Arabia” (Ai po sjell ndryshime në Arabinë Saudite).

Princi, 32, ka premtuar reforma të thella në shtetin e Arabisë Saudite, ku mes gjërave të arritura është e drejta e grave për të vozitur, për të qenë pjesë e ushtrisë dhe hapja e kinemave. Por krahas reformave, ai akuzohet edhe për komplikime në luftën e Jemenit, ku si pasojë e ndërhyrjes së koalicionit arab kundër rebelëve të mbështetur nga Irani, Huthi, deri tani sipas OKB janë vrarë mbi 9000 persona.