Lajme
Prindërit në Zvicër do të përballen me gjoba të mëdha nëse i mbajnë fëmijët në shtëpi
Shkollat janë vendosur të rihapen në Zvicër më 11 maj, por prindërit janë të shqetësuar
Shkollat fillore të detyrueshme zvicerane do të hapen përsëri më 11 maj. Kjo vlen për kopshtin e fëmijëve dhe gjashtë vitet e para, para se shkollat e mesme dhe ato profesionale të hapen më 8 qershor, përcjell albinfo.ch.
Qeveria ka thënë që kërkesa e detyrueshme për shkolla do të rikthehet siç ishte përpara shpërthimit të virusit.
Kjo mund të nënkuptojë se prindërit përballen me gjobë mijëra franga, duke zgjedhur të mos i dërgojnë fëmijët e tyre përsëri në shkollë, edhe nëse synojnë të vazhdojnë shkollimin e tyre në shtëpi.
Shuma e saktë e një gjobë për mos dërgimin e fëmijëve në shkollë ndryshon nga kantoni në kanton, por mund të jetë disa mijëra franga, përcjell tutje albinfo.ch.
Në të kundërt, gjoba për mos-respektimin e kufizimeve të bllokimit të koronavirusit është CHF100 në të gjithë Zvicrën.
Megjithëse fëmijët kanë qenë kryesisht të pa ndikuar nga virusi – ka pasur më pak se 1000 raste në fëmijë dhe adoleshentë në Zvicër së bashku me vdekje zero – ekzistojnë shqetësime se ata mund të bartnin potencialisht virusin dhe të infektonin segmentet më të prekshme të popullatës.
“Është fëmija ynë dhe ne vendosim”
Disa prindër kanë thënë që ata do të refuzojnë t’i dërgojnë fëmijët e tyre përsëri në shkollë, pavarësisht gjobave.
Një prind i tha medias zvicerane 20 Minuta “Nëse shkollimi i detyrueshëm është kthyer, përsëri është jeta jonë, fëmija ynë – dhe ne vendosim”.
Ekspertët ligjorë zviceranë kanë thënë megjithatë që gjobat do të qëndrojnë, pavarësisht krizës koronavirus.
“Nëse shkollimi i detyrueshëm do të hyjë përsëri, prindërit që mbajnë fëmijët e tyre në shtëpi do t’iu nënshtrohen gjobave”, tha Peter Hoffmann, një ekspert ligjor i specializuar në ligjin e shkollës, përcjell tutje albinfo.ch.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit