Kosova

Prishtina stoliset me flamujt e Amerikës

E mërkurë, 12 Dhjetor 2018 - 11:20 albinfo.ch

Flamuj të Shteteve të Bashkuara të Amerikës janë vendosur sot në shumë vende të Prishtinës.

Në sheshet, por edhe në rrugët e kryeqytetit tashmë janë vendosur flamujt e aleatit më të madh të Kosovës.

Kosovapress mëson se flamujt janë vendosur me urdhër të Qeverisë së Kosovës, përcjell albinfo.ch.

Nga komuna e Prishtinës bëhet e ditur se ata i kanë vendosur ndërmarrja Hortikultura me kërkesë të protokollit të shtetit.

Arsyeja për mbulimin e shesheve të Prishtinës me flamuj të Amerikës është përkrahja e ShBA-ve për formimin e Ushtrisë së Kosovës.

Kosova ka paralajmëruar formimin e ushtrisë më 14 dhjetor (të premten) dhe deri më tani pro këtij vendimi ka dal vetëm ambasadori i SHBA-ve, Philip Kosnett.

 Të ngjashme

Një neurokirurg akademik shqiptar, në mes të Kolorados dhe Bazelit

 Të tjera nga Kosova

Albin Kurti në Cyrih: Siguria si garanci e paqes dhe shtetndërtimi si përgjegjësi historike

 E-Diaspora

 Jeta në Zvicër