Lajme

Pritje të gjata në trafikun e Zvicrës

Trafik i rënduar raportohet edhe në shumë pjesë të Zvicrës, pasi dhjetëra-mijëra shoferë janë në rrugë gjatë kësaj fundjave të gjatë për festën që shënohet sot, njofton albinfo.ch.

Për shembull, një radhë e gjatë nëntë kilometra është krijuar në hyrjen veriore të tunelit Gothard, që të çon në Ticino.

Për udhëtarët që preferojnë të marrin trenin gjatë kësaj periudhe të ngarkuar, Hekurudhat Federale Zvicerane (SBB) po “zgjerojnë ndjeshëm” shërbimin e saj drejt Ticino, një nga destinacionet më të njohura për fundjavat e festave publike.

“Do të ketë shumë trena shtesë. Ne gjithashtu do të rrisim numrin e vendeve të disponueshme në trenat e rregullt”, duke përfshirë midis Cyrihut/Baselit dhe Ticino-s përmes tunelit bazë Gotthard, njoftoi kompania. /Albinfo.ch


LAJME INTERESANTE NGA INTERNETI