Projektligji për financimin e subjekteve politike, Shoqëria civile pezullon pjesëmarrjen në komision

Shoqëria civile njofton se ka pezulluar pjesëmarrjen në Komisionin Parlamentar Ad-hoc për përmirësimin dhe forcimin e procesit zgjedhor.
Në një njoftim për media, thuhet se duke pasur parasysh zhvillimet e fundit në lidhje me Projektligjin për financimin e subjekteve politike, organizatat e shoqërisë civile do ta pezullojnë pjesëmarrjen në Grupin Këshillëdhënës, deri në tërheqjen e këtij projektligji, transmeton albinfo.ch.
“Ne vlerësojmë se projektligji aktual është në kundërshtim me frymën kushtetuese dhe reformën zgjedhore të iniciuar nga Kuvendi i Kosovës. Projektligji degradon parimet kryesore të jetës politike, duke rrezikuar integritetin e tërë procesit të reformës zgjedhore, përfshirë edhe cenimin e pavarësisë së Zyrës për regjistrimin e subjekteve politike”, thuhet në njoftim.