Lajme
Prokuroria po heton votat nga diaspora, “Daka s’është pjesë e hetimit”
Prokuroria përmes një komunikate të enjten ka thënë se po i heton pretendimet lidhur me manipulim të votave nga diaspora
Prokuroria Speciale e Republikës së Kosovës ka njoftuar se është duke i hetuar pretendimet se janë të manipuluara disa vota të ardhura me postë nga diaspora në zgjedhjet e 14 shkurtit.
Por, ka mohuar se pjesë e hetimit është edhe ish-kryesuesja e KQZ-së pas deklaratave të zëvendëskryeministrit Besnik Bislimi, i cili pati thënë se prokuroria po heton edhe disa vota nga Austria dhe pati përmendur Valdete Dakën, duke thënë se ato manipulime “nuk kanë mundur të bëhen pa dijeninë e saj”.
Besnik Bislimi, në Deskun e KOHËS pati komentuar shkarkimin e Dakës nga pozita si kryetare e Komisionit Qendror të Zgjedhjeve, duke shtuar se Daka kishte qëllim të krijonte terren të papërshtatshëm për VV-në për fitore, përcjell Albinfo.ch.
“Zonja Daka ka pasur një rol shumë destruktiv në zgjedhjet e 14 shkurtit në çdo fazë të përgatitjeve të zgjedhjeve, ka qenë pjesë e orkestrimeve që janë munduar t’iu kufizojnë qytetarëve të drejtën e pjesëmarrjes në zgjedhje. Ka pasur pjesëmarrje aktive në orkestrimin e manipulimeve në listën e kandidatëve të VV-së që të krijohet një konfuzion te qytetarët. Krejt ideja e saj ka qenë që të krijohet një terren i përshtatshëm ku VV-ja nuk e arrin rezultatin e pritshëm, ndërsa roli i saj ka qenë balancues i forcave, nuk ka qenë që të mbajë anë. Nëse e shihni vetëm pyetjen në Këshillin Prokurorial që e ka dërguar se cilët personat duhet të largohen nga lista, i sheh synimet e saj. Plus ka disa gjëra që Prokuroria i ka hetuar me disa manipulime të votave nga Austria, që mendoj se këto nuk kanë mundur të bëhen pa dijeninë e saj”, pati thënë Bislimi të martën nga Brukseli.
Prokuroria përmes një komunikate të enjten ka thënë se po i heton pretendimet lidhur me manipulim të votave nga diaspora, porse, njoftohet tutje, se “Valdete Daka dhe as ndonjë zyrtar tjetër i KQZ-së nuk janë pjesë e këtij hetimi penal”.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)