Lajme
Tubimi më i madh kundër masave të koronës: 4.000 veta marshojnë në Chur
Sipas policisë së qytetit, mbi 4,000 njerëz kanë marshuar nëpër rrugë, në heshtje. Shumë pjesëmarrës kishin veshur kostume të bardha mbrojtëse
Në Chur, kryeqytetin e Kantonit Graubünden mbi 4,000 njerëz kanë demonstruar të shtunën kundër urdhrave zyrtarë në lidhje me pandeminë e koronës. Ky është tubimi më i madh deri më tani i kësaj natyre.
Tubime të tilla tashmë janë zhvilluar në qytete të tjera zvicerane, por me më pak pjesëmarrje, shkruan agjencia zvicerane e lajmeve SDA.
Shoqata “Protesta e Heshtur” kishte bërë thirrje për një marshim proteste për të kërkuar një qasje adekuate të politikës ndaj koronavirusit, transmeton albinfo.ch.
Demonstratës i ishte dhënë një miratim me kusht nga policia e qytetit Chur. Një nga kushtet për mbajtjen e saj ishte vënia e maskës.
Marshimi paqësor i protestës nëpër qytetin e vjetër të Chur-it ishte mbresëlënës për shkak të gjatësisë së tij. Sipas policisë së qytetit, mbi 4,000 njerëz kanë marshuar nëpër rrugë, në heshtje. Shumë pjesëmarrës kishin veshur kostume të bardha mbrojtëse.
“Nuk na duhet shteti policor”
Gjatë marshimit, demonstruesit kanë shprehën shqetësimet e tyre kryesisht me slogane të shkruara, si: “Qëndroni larg fëmijëve tanë”, “Stop diktaturës”, “Ne nuk kemi nevojë për shtet policor”, përcjell albinfo.ch. Përveç kësaj, në tubim janë valvitur flamuj zviceranë.
Takimi ka përfunduar me paraqitjen e disa folësve. Mbi të gjitha, u shpreh kritika ndaj politikës së Këshillit Federal.
Një paraqitje gjithashtu ka bërë edhe deputeti i SVP-së, Ruedi Weber nga Prättigau. Fjalimi i tij mbi situatën e koronës kohët e fundit kishte bërë bujë në parlamentin kantonal të Graubündenit dhe në internet.
E-Diaspora
-
Gjykimi i shqiptarit për vrasjen e dyfishtë në Bazel, nën masa të forta sigurie Ai është dërguar në Gjykatën Penale mëngjesin e së hënës me një automjet të blinduar të...
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
-
Artistet kosovare, Agona Shporta e Tringa Sadiku, më 2 maj, me koncert në Cyrih
-
Taravari: Asnjë proces i rëndësishëm për vendin nuk është bërë pa diasporën
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt i Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët