Pse Cyrihu, Ticino dhe Lucerni duan të legalizojnë blerjet e së dielës

Keystone Foto: Felix Kästle/dpa +++ dpa-Bildfunk +++

Në shumicën e qyteteve dhe qytezave zvicerane blerjet të dielave janë të ndaluara. Tri kantone duan ta ndryshojnë këtë, transmeton albinfo.ch.

Përfaqësuesit e qeverisë në kantonet Cyrih, Ticino dhe Lucerne kanë bërë thirrje për ndryshimin e rregullave për blerjet e së dielës.

Aktualisht, blerjet me pakicë dhe ato ushqimore lejohen vetëm të dielën në një pjesë të vogël të kantoneve malore turistike.

Përfaqësuesit argumentojnë se nevojitet një ndryshim për të nxitur turizmin pas dëmit ekonomik të shkaktuar nga pandemia Covid.

Carmen Walker Späh, Drejtoreshë Ekonomike e Kantonit të Cyrihut, tha në një konferencë për media të premten se qytetet zvicerane duhet të ishin më interesante dhe më të gjalla për të tërhequr turistë të dielave.

Ndërsa turizmi po rimëkëmbet ngadalë në Zvicër, pavarësisht nga pasiguria e vazhdueshme e pandemisë Covid, Späh tha se situata ishte veçanërisht e rëndë në metropolet më të mëdha, si Cyrihu dhe Gjeneva, për shkak të mungesës së udhëtarëve të biznesit.

Ekspertët besojnë se udhëtimet e biznesit nuk kanë gjasa të kthehen në nivelet para pandemisë.