Publikohet traileri i sezonit të fundit të serisë “Game of Thrones”

Fundi është afër për serinë dhe personazhet e famshme, pasi është publikuar traileri i sezonit final të “Game of Thrones”, i cili transmetohet në kanalin televiziv HBO, në Amerikë. 

Seria e bazuar në romanet e George R.R. Martin, tërhoqi një audiencë të madhe rreth botës, me vrasjen e pamëshirshme të personazheve të pëlqyera nga shikuesit.

Pjesa e fundit e “Game of Thrones”, bën bashkë luftëtarët kryesorë në luftën e tyre ndaj Kalorësve të Bardhë, që po kërcënojnë vendin e shpikur Westeros. 

Edhe pse traileri nuk ka treguar ndonjë detaj aq të rëndësishëm, shikuesit kanë bërë teori të ndryshme se cili personazh mund të përfundojë në pushtimin e këtij vendi.