Tematike
Qetësohet gjendja në kazermën Jassbach
Gjendja shëndetësore e pjesëtarëve të ushtrisë ishte përmirësuar qysh në mbrëmjen e të enjtes kështu që Kantoni i Bernës e kishte hequr karantinën në kazermën Jassbach BE
50 rekrutët e sëmurë në kazermën Jassbach të Bernës e kanë kaluar gjendjen e rëndë që i kishte kapluar dy ditë më parë. Shkaqet e sëmundjes pritet të sqarohen. Karantina e vendosur nga Kantoni i Bernës mbi kazermën në fjalë, është hequr qysh natën e të enjtes.
Nga gjithsej 50 rekrutët që kishin pasur trajtim mjekësor nga mbrëmja e të enjtes, 35 janë tashmë sërish të kthyer në njësi ose kanë marrë pushimet. 15 pjesëtarët tjerë parashihej që të liroheshin nga trajtimi mjekësor gjatë paradites së djeshme.
Rezultatet e deritashme të hetimeve përjashtojnë shkaktarët viralë. Megjithatë hetimet do të vazhdojnë, kështu që rezultatet nuk janë ende përfundimtare.
Gjendja shëndetësore e pjesëtarëve të ushtrisë ishte përmirësuar qysh në mbrëmjen e të enjtes kështu që Kantoni i Bernës e kishte hequr karantinën në kazermën Jassbach BE.
Të prekurit nga sëmundja do të vazhdojnë të kenë trajtim mjekësor dhe do të kenë mbështetjen e shërbimit psikologjik pedagogjik të ushtrisë. Hetimet i kanë filluar edhe inspektorati i higjenës së ushqimit dhe autoritetet juridike në kuadrin e ushtrisë.
Siç është raportuar tashmë, në Shkollën e Rekrutëve EKF të Ushtrisë Zvicerane, në Jassbach BE, në mbrëmjen e të enjtes kanë marrë trajtim mjekësor 50 pjesëtarë të ushtrisë, rekrutë dhe oficerë. Ata kishin simptoma të diarresë, gjegjësisht vjellje dhe jashtëqitje të rënda kështu që ishin dërguar për trajtim mjekësor në spitale civile dhe në ato ushtarake.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
Jeta në Zvicër
-
Në këto aeroporte mbahen greva gjatë prillit dhe majit Grevat nuk janë të rralla në Evropë. Për shkak se punëtorët po luftojnë për kushte më...
-
Vdes ushtari zviceran nga të shtënat, gjatë ushtrimeve në kazermë
-
Dyshimi për mashtrim: Akuzohet për 250 mijë CHF që mori kredi për Covid
-
Zvicër: Thirrje për kujdes për personat që kanë vendosur tashmë goma verore
-
Studim: Mirëqenia në Zvicër është rritur ndjeshëm në 30 vjetët e fundit