Qeveria cakton kontigjentet për ekspertët nga vendet e treta

Ndërmarrjet zvicerane gjatë vitt 2016 do të kenë mundësi që (të gjitha së bashku) të rekrutojnë gjithsej 6500 ekspertë nga “vendet e treta”: 2500 me leje të përkohshme qëndrimi (B) dhe 4000 me leje të shkurtër qëndrimi (L)

Këshilli Federal i Zvicrës ka bërë publik sot njoftimin se gjatë vitit 2015 kishte bërë zvogëlimin e kontingjenteve të ekspertëve të huaj për ekonominë zvicerane. Këtë njoftim e ka bërë në prag të përcaktimit të kontigjenteve të reja për viin 2016, për çfarë shumica e kantoneve dhe partnerëve socialë kanë bërë në fakt kërkesa për rritjen e kontingjenteve.

Por qeveria është e mendimit se rritja e tyre do të shkonte në dëm të synimit për të shfrytëzuar sa më mirë resurset vendore. Për këtë arsye ajo ka vendosur që edhe kontingjentet e vitit 2016 të lihen në nivelin e atyre të vitit 2015. Kështu, ndërmarrjet zvicerane gjatë vitt 2016 do të kenë mundësi që (të gjitha së bashku) të rekrutojnë gjithsej 6500 ekspertë nga “vendet e treta”: 2500 me leje të përkohshme qëndrimi (B) dhe 4000 me leje të shkurtër qëndrimi (L).

Po ashtu Këshilli Federal në mbledhjen e tij të sotme ka vendosur edhe për numrin maksimal të ofruesve të shërbimeve nga shtetet e BE/EFTA për periudhat 90 gjegjësisht 120 ditëshe. Numat maksimalë vlejnë për ata ofrues shërbimesh që nuk mund t`i referohen Marëveshjes bazë për lëvizje të lirë me BE-në ose asaj me EFTA-n.

Edhe për këto kategori, Këshilli Federal është ndalur në numrin e vitit 2015. Kështu, për ofruesit e shërbimeve me status L do të jepen 2000 leje ndërsa për ata me B, 250 sish.

Vendimi fillon zbatimin më 1 janar 2016.