Lajme

Zvicër: Më shumë ditë të nxehta do të vijnë, paralajmëron eksperti i motit

Një meteorolog i lartë ka thënë se rekordet e reja të nxehtësisë së verës janë “shumë të mundshme” në Zvicër. Kjo mund t’i kushtojë vendit qindra miliona franga zvicerane në produktivitet në planin afatgjatë, paralajmërojnë gazetat, transmeton albinfo.ch.

“Mundësia që ne të përjetojmë një verë më të ngrohtë se normale është shumë e madhe. Do të habitesha nëse do të shkonte në ndonjë drejtim tjetër”, tha të dielën Thomas Bucheli, kreu i shërbimit të motit.

“Rekorde të reja të nxehtësisë në verë janë shumë të mundshme, në varësi të kushteve të motit”.

Se sa mund të rriten temperaturat në të ardhmen janë spekulime për momentin, tha Buçeli. Ato mund të rriten nga dy deri në pesë gradë Celsius në kushte të caktuara. “Mund të jetë i nxehtë deri në 40 gradë”, paralajmëroi ai, transmeton tutje albinfo.ch.