Lajme
Qeveria e Kantonit të Cyrihut: Thirrje në pesëmbëdhjetë gjuhë për t`u vaksinuar
Kjo është bërë për faktin se është konstatuar se popullata me prejardhje të huaj është më vështirë e arritshme për vaksinim
Numri i infeksioneve të reja nga korona po rritet, si në gjithë Zvicrën, ashtu dhe në Kantonin e Cyrihut. Nga ana tjetër, shkalla e vaksinimit po ngadalësohet.
Duke parë këtë situatë, Qeveria e Cyrihut ka vendosur të bëjë thirrje për vaksinime në një mesazh video, të përkthyer në pesëmbëdhjetë gjuhë, shkruan albinfo.ch. duke iu referuar njoftimit nga Qeveria e Kantonit të Cyrihut.
Referimi në gjuhët më të pranishme të migrantëve në këtë kanton është bërë për faktin se është konstatuar se popullata me prejardhje të huaj është më vështirë e arritshme për vaksinim.
Thirrja përmes videos është bërë nga Presidentja e Qeverisë së Kantonit, Jacqueline Fehr. Përveç në gjuhën gjermane, mesazhi mund të shihet dhe dëgjohet edhe në anglisht, frëngjisht, italisht, shqip, arabisht, spanjisht, portugalisht, kroatisht / boshnjakisht / serbisht, somalisht, tamilisht, turqisht, tigrinë, farsi/ dari dhe kurdisht-kurmanisht.
Javën e kaluar, në kantonin e Cyrihut janë regjistruar dukshëm më shumë infeksione me virusin corona, gjegjësisht 100 deri 150 njerëz janë infektuar çdo ditë.
Aktualisht në këtë kanton ndodhen 26 persona në spital për shkak të infeksionit me koronavirus dhe ky numër është dyfishuar brenda një jave, transmeton albinfo.ch.
Tani ndodhen 13 pacientë në njësinë e kujdesit intensiv, dhe ky numër po ashtu është dyfishuar brenda një jave. Megjithatë rastet e vdekjes aktualisht janë ende të rralla. Hera e fundit që një pacient në këtë kanton ka vdekur si rezultat i infeksionit të virusit ishte më 11 korrik.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor