Qeveria e Zvicrës ndihmon financiarisht AKP-në

Financohet projekti për Agjencinë Kosovare të Pronës në vlerë prej 1.230.000 euro nga Qeveria e Zvicrës e përfaqësuar nga Zyra zvicerane për bashkëpunim në Kosovë.　

Ministria e Financave, ka nënshkuar marrëveshjen për këtë projekt me Zyren zvicerane për bashkëpunim në Kosov.　

Kjo marrëveshje siguron kornizën ligjore për kontributin e Qeverisë zvicerane në lidhje me mandatin e Agjencisë Kosovare të Pronës për zgjidhjen e kontesteve të së drejtës së pronës në sferën e pronave bujqësore dhe atyre komerciale.　

Ky kontribut ofrohet në kuadër të kornizës së bashkëpunimit teknik, financiar, ndihmës humanitare të Qeverisë zvicerane në të mirë të Kosovës si dhe përmirësimin e sundimit të ligjit.　

Implementimi i kësaj marrëveshjeje do të bëhet duke respektuar marrëveshjen kornizë rreth bashkëpunimit teknik dhe financiar dhe ndihmës humanitare ndërmjet Këshillit Federal të Zvicrës dhe Qeverisë së Kosovës.