Qeveria zoton 11.5 miliardë franga për hekurudhat

Këto para do të derdhen në veçanti për përmirësimin e ofertës hekurudhore në linjat e stërngarkuara me udhëtarë

Këshilli Federal i Zvicrës planifikon që për zgjerimin dhe mirëmbajtjen e rrjetit hekurudhor deri në vitin 20135 të ndajë 11.5 miliardë franga. Këto para do të derdhen në veçanti për përmirësimin e ofertës hekurudhore në linjat e stërngarkuara me udhëtarë. Në këtë drejtim është parë qarkullim trenash prej katër herë në orë (në çdo 15 minuta) në linjën Cyrih-Bernë dhe anasjelltas. Po ashtu është menduar edhe për një rritje të ofertës në relacionin Lozanë-Gjenevë.

Në mesin e projekteve të mëdha të parapara për këtë periudhë hyn edhe ndërtimi i tunelit në Brütten, në linjën Cyrih-Winterthur dhe etapa e dytë e tunelit bazik në Zimmerberg (po ashtu Kantoni i Cyrihut).

Ndërkaq, Këshilli Federal synon përmirësime edhe në transportin hekurudhor të mallrave, duke i futur në qarkullim lidhjet e ashtuquajtura “express”. Nga ana tjetër është shtyrë zgerimi i tunelit në Lötscberg.

Duke iu drejtuar mediave, ministrhja e transportit, Doris Leuthard sot ka thënë se Zvicra investon në hekurudha shumë më tepër se cilido shtet fqinj i saj.

Propozimet e përmendura, të bëra nga Këshilli Federal do të shkojnë për procedim në parlament deri nga mesi i janarit të vitit 2018.