Lajme
Pavarësisht protestave, Zvicra nuk e heq rajonin turistik italian nga karantina
Me një incidencë 14-ditore prej rreth 80 rasteve për 100,000 banorë, Liguria bën pjesë ndër rajonet me rritje të rrezikut të infektimit
Zyra Federale e Shëndetit Publik (BAG) ka vendosur të qëndrojë mbrapa vendimit të saj për të futur rajonin Italian të Ligurias në listën e zonave të rrezikut për koronavirus.
Autoritetet liguriane kanë kundërshtuar vendimin zviceran të premten në mbrëmje, shkruan sda.ch.
Por, BAG po bën vlerësimin e situatës epidemiologjike në shtetet fqinje në nivelin rajonal, ka sqaruar Zyra Federale të shtunën për agjensinë e lajmeve Keystone-SDA.
Me një incidencë 14-ditore prej rreth 80 rasteve për 100,000 banorë, Liguria bën pjesë ndër rajonet me rritje të rrezikut, transmeton albinfo.ch. Një diferencim i mëtejshëm brenda një rajoni nuk është i mundur, sipas BAG.
Rajoni i Ligurisë do të jetë në listën e karantinës nga 28 shtatori, të hënën që vjen. BAG po shqyrton rregullisht listën dhe, si më parë, do ta aktualizojë atë nëse situata ndryshon.
Nga ana tjetër, autoritetet liguriane argumentojnë se numri i lartë i infeksioneve vjen kryesisht për shkak të shpërthimit të virusit në lokalitetin La Spezia. Prandaj rajoni ka bërë ndërhyrjen përkatëse në Konsullatën e Përgjithshme Zvicerane në Itali, ka raportuar të premten në mbrëmje agjencia italiane e lajmeve, Ansa. Autoritetet gjithashtu kanë informuar edhe Ministrin e Jashtëm Italian, Luigi Di Maio.
Autoritetet liguriane janë të mendimit se vendimi zviceran është shtrembëruar nga situata “johomogjene” në këtë rajon. Qeveria federale duhet ta kthejë vendimin e saj ose ta zbatojë atë vetëm në zonat më të goditura nga epidemia. 70 rastet për 100,000 banorë rezultojnë në saje të shpërthimit lokal të virurit në La Spezia.
Të ngjashme
Të tjera nga Lajme
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Zvicër
-
Shtatë gjëra që shtetasit jo-BE duhet t’i dinë rreth zhvendosjes në Zvicër Zvicra ka rregulla strikte për të huajt që mund të jetojnë dhe të punojnë në vend...
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës
-
Katër të vdekur në Alpet zvicerane gjatë fundjavës