Kosova

Rama flet para OKB-së: Raporti i Dick Martyt, një dështim kombëtar

Kryeministri i Shqipërisë Edi Rama ka mbajtur një fjalim në Asamblenë e Përgjithshme të Kombeve të Bashkuara, ku ka kërkuar që të pranohet kërkesa e Shqipërisë për një raport të ri, që kundërshton raportin e Dick Marty.

E shtunë, 24 Shtator 2022 - 19:50 albinfo.ch

Rama e konsideroi raportin e Dick Marty “një dështim kombëtar” dhe sipas tij, pretendimet e raportit për trafikimin e organeve nga ushtria e Kosovës, nuk bazoheshin në asnjë fakt apo provë.

“Në 2011, u soll raporti i Dick Marty ku akuzohej ushtria e Kosovës për trafikimin e organeve, duhet të ishte paguar si tregimtar, por jo si raportues i Këshillit të Europës. Jo vetëm që shumë i besuan, po u shndërruan në faktorë kyç për ngritjen e dhomave të specializuara dhe u bë një nga rastet më të rënda të manifesti kundër pavarësisë së Kosovës. Asnjë grimë prove apo treguesi nuk u gjet askund në Kosovë dhe asnjë vend tjetër, e megjithatë, dhomat e specializuara kanë arrestuar pa padi Hashim Thaçin, ai priti një vit në burgim deri sa u akuzua zyrtarisht, imagjinojeni njëherë, presidenti juaj, që merret nga zyra çohet në një vend të tretë që mbahet i ndaluar për një vit të tërë pa asnjë akuzë zyrtare, as edhe një fjalë e vetme e aktakuzës nuk ka të bëjë me raportin e Këshillit të Europës, për krimin e pretenduar të trafikimit, një fantazi e tërë, dështim monumental në nivel ndërkombëtar, njollosje e një vendi. Ne mendojmë që Asambleja do të pranojë kërkesën e Shqipërisë për të pasur një raport vijues, ndërkohë që dëmi është bërë dhe të ndihmojë të rivendosë besueshmërinë e një organizatë kaq të rëndësishme”, tha Rama, transmeton Albinfo.ch.