Shqiperia
Rama pas takimit me kryediplomatin britanik: Diskutuam edhe për dialogun Kosovë-Serbi
![](https://www.albinfo.ch/wp-content/uploads/2024/05/1112231-587x391.webp)
Kryeministri i Shqipërisë, Edi Rama, tha sot se në një takim në Tiranë me Sekretarin e Jashtëm të Mbretërisë së Bashkuar, David Cameron, kanë biseduar edhe për ecurinë e “proceseve të paqtimit dhe të bashkëpunimit në rajon”, përcjell albinfo.ch.
Rama tha në një konferencë të përbashkët për media pas takimit se Mbretëria e Bashkuar ka interes të veçantë që ta shohë përfundimin me sukses të procesit të dialogut ndërmjet Kosovës dhe Serbisë, në të cilin tha se ka rrezik për kthim mbrapa.
“Kemi diskutuar edhe për ecurinë e proceseve të paqtimit dhe të bashkëpunimit në rajon. Lordi Cameron është një mbështetës i vendosur i këtyre proceseve dhe dihet botërisht që Mbretëria e Bashkuar ka shprehur vazhdimisht një interes të veçantë për të parë normalizimin e plotë të marrëdhënieve rajonale dhe për të parë përfundimin me sukses edhe të procesit të dialogut mes Kosovës dhe Serbisë, ku ka pasur hapa pozitivë, por ku në vijimësi ka edhe ngecje në vend apo në vijimësi dihet edhe rreziku i kthimit mbrapa”, tha Rama.
Paraprakisht, kryeministri shqiptar përmendi fillimisht se me kryediplomatin britanik kanë diskutuar për përfshirjen e Mbretërisë së Bashkuar në projektin e hekurudhës Prishtinë-Durrës, për të cilin tha se është “projekt strategjik me rëndësi të veçantë për Shqipërinë dhe Kosovën”.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n