Lajme

Raportet mes Zvicrës dhe BE-së

A do të mbetet Zvicra partnere e BE-së?

Marrëdhënia e Zvicrës me BE-në është karakterizuar nga një tis i përhershëm dyshimi, pasi futja në kornizën institucionale mbikombëtare është vlerësuar brenda vendit se shkaktonte përplasje me interesat ekonomike, por edhe me ato sociale dhe politike, njofton albinfo.ch.

Pavarësisht të gjithave, BE dhe shtetet e saj anëtare janë partnerët kryesorë të Zvicrës, për shkak të peshës ekonomike dhe politike të BE-së dhe afërsisë gjeografike dhe kulturore.

Para pak ditësh, në një takim, politika evropiane e Zvicrës dhe situata në Ukrainë ishin temat kryesore të diskutuara gjatë takimit të mbajtur në Vjenë mes presidentit zviceran Ignazio Cassis dhe homologut të tij austriak, Alexander Van der Bellen. “Na vjen shumë keq për ngërçin në negociatat mes Zvicrës dhe BE-së”, tha Alexander Van der Bellen për mediat pas takimit të enjten. Jo vetëm që Zvicra ka nevojë për BE-në, BE-ja ka nevojë edhe për Zvicrën.

Ignazio Cassis tha se Këshilli Federal dëshiron të vazhdojë rrugën dypalëshe me Brukselin, partner i qëndrueshëm i të cilit mbetet Zvicra.

Ndërkohë, Van der Bellen vlerësoi gjithashtu faktin që Zvicra i mbante gjithmonë të hapura kufijtë e saj për 9,000 punëtorët kufitarë austriakë gjatë pandemisë.


LAJME INTERESANTE NGA INTERNETI