Mbi 6 milionë të infektuar me koronavirus në botë

Rastet globale me koronavirus tejkaluan 6 milion të shtunën, sipas një raporti të Reuters, pasi Amerika Latine raportoi 50,000 vdekje nga sëmundja.

Vende të tilla, si Brazili, Kili dhe Meksika po përpiqen të frenojnë përhapjen e virusit, i cili fillimisht arriti kulmin në Kinë në shkurt, para se shpërthimet në shkallë të gjerë të ndodhnin në Evropë dhe Shtetet e Bashkuara.

COVID-19 ka marrë më shumë se 367,000 jetë në gjithë botën, megjithëse numri i vërtetë mendohet të jetë më i lartë, pasi testimi është akoma i kufizuar dhe shumë vende nuk përfshijnë vdekje jashtë spitaleve.

Pavarësisht rritjes së vazhdueshme të rasteve, shumë vende po hapin shkolla dhe vende të punës pas javëve të bllokimeve, shkruan reuters, përcjell tutje albinfo.ch.

---