Reagon OKB pas vendimit të Trump për migrantët

Shtetet e Bashkuara duhet të sigurojnë që çdo person që largohet nga dhuna ose persekutimi, mund të marrë mbrojtje “pa pengesa”, tha agjencia e refugjatëve të Kombeve të Bashkuara UNHCR të premten, pak orë pasi presidenti i SHBA, Donald Trump nënshkroi një urdhër për kufizimin e të drejtave të azilit, shkruan Alsat M, përcjell Albinfo.ch.

“UNHCR pret që të gjitha vendet, përfshirë Shtetet e Bashkuara, të sigurojnë që çdo person që ka nevojë për mbrojtje të refugjatëve dhe asistencë humanitare, është në gjendje të marrë menjëherë dhe pa pengesa në përputhje me Protokollin e refugjatëve të vitit 1967, në të cilën Shtetet e Bashkuara janë palë”, tha agjencia, duke iu referuar një protokolli të Konventës së Refugjatëve të vitit 1951.

Presidenti Donald Trump nënshkroi të premten një deklaratë që në mënyrë efektive do të pezullojë dhënien e azilit për migrantët që kalojnë kufirin amerikan me Meksikën në mënyrë të paligjshme, deri në 90 ditë.

Vendimi i cili hyn në fuqi të shtunën, do të thotë se emigrantët do të duhet të paraqiten në portet e hyrjes së SHBA-së për t’u kualifikuar për azil. Avokuesit e emigrantëve thonë se administrata ka ngadalësuar me qëllim përpunimin e migrantëve në portet zyrtare, duke i detyruar ata të presin për ditë ose javë për të kërkuar mbrojtje.