Reagon Presidenti i Kosovës pas ngjarjes tragjike në minierën e Artanës

Keystone (AP Photo/Visar Kryeziu)

Presidenti i Kosovës , Hashim Thaçi, ka shprehur ngushëllime për vdekjen tragjike të dy minatorëve sot në minierën e Artanës.

“Thellësisht i pikëlluar me humbjen e jetës së dy punonjësve në minierën e Artanës, si pasojë e shembjes së dheut. U shpreh ngushëllime të thella familjeve, të afërmve dhe të gjithë kolegëve të tyre”, ka shkruar Thaçi në Facebook.

Ai po ashtu ka thënë që institucionet e Kosovës duhet të përkujdesen që punëtorët të jenë gjithmonë të mbrojtur në vendet e tyre të punës.