Fotolajmi
Refugjatët ia mësyejnë Austrisë
Mijëra refugjatë ia kanë mësyrë Austrisë pas njoftimit se do të pranojë kërkesat për azil, siç bëri Gjermania në fillim të javës.
Keqësimi i motit e ka vështirësuar udhëtimin e tyre përmes Ballkanit Perëndimor, e pastaj në Hungari për të kaluar drejt Evropës Perëndimore, raporton VoA, përcjell albinfo.ch. Evropa është bërë dëshmitare e vërshimit më të madh të refugjatëve që nga Lufta e Dytë Botërore.
Emigrantët dhe refugjatët vazhduan edhe sot udhëtimin e tyre drejt Evropës Perëndimore nga Röszke e Hungarisë, me gjithë vështirësitë dhe shiun e vazhdueshëm.
Të mbështjellë me batanie dhe mushama, grupe të vogla njerëzish ecnin përgjatë hekurudhës me shpresën për të gjetur një jetë më të mirë në vende si Gjermania dhe Austria.
Më shumë se 300.000 njerëz kanë kaluar në Evropë nga deti këtë vit dhe më shumë se 2.600 kanë vdekur gjatë udhëtimit. Shumë prej të ardhurve janë refugjatë nga lufta civile në Siri, që ka hyrë në vitin e saj të pestë.
Por sirianët nuk janë të vetmit që bëjnë rrugën e Ballkanit, për të shkuar në Hungari e për të dalë pastaj në Perëndim.
Moti është keqësuar dhe kjo e ka vështirësuar udhëtimin, pavarësisht nga përpjekjet e organizatave humanitare për të ndihmuar.
Numri i emigrantëve që kalojnë kufijtë gjatë natës për të hyrë në Austri dhe Hungari ka shënuar një rekord të ri për këto dy vende, të cilat ndodhen në frontin e krizës së refugjatëve.
Rreth 3.700 njerëz vërshuan kufirin nga Hungaria në Austri të enjten, tha një zëdhënës i policisë.
Në qytetin lindor austriak Nickelsdorf mijëra refugjatë presin trenat për në Vjenë dhe më tej për në Gjermani e vende të tjera.
Të tjera nga Fotolajmi
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma, edhe pse ka shpenzuar paratë e veta Zyra e kompensimit i kishte refuzuar kërkesën, sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf