Rekord: Janë shitur 10 milionë Iphone 6

Apple ka shitur më shumë se dhjetë milionë iPhone 6 sipas kërkesave botërore për fundjavën e parë

Bëhet fjalë për një rekord, thonë në Apple. Nga modeli i mëparshëm Apple kishte shitur vitin e kaluar për tri ditët e para pas nisjes nëntë milionë Iphone.

“Shitjet për iPhone 6 dhe iPhone 6 Plus kanë tejkaluar pritjet tona për një fundjavë dhe nuk mund të mos jemi të kënaqur për këtë”, tha shefi i Apple-s,Tim Cook.

Javën e kaluar Apple kishte njoftuar se shumica e konsumatorëve për shkak të kërkesave të shumta ndoshta do të mund ta sigurojnë deri në tetor iPhonin e tyre të ri. Cook ka prezantuar gjeneratën e re të iPhone rreth dy javë më parë.

Para se të fillojë shitja të premten e kaluar ishin krijuar radhë të gjata para dyqaneve të Apple-s në gjithë botën.  iPhone 6 dhe iPhone 6 Plus janë  në shitje në Gjermani, Australi, Japoni, Hong-Kong, Singapor, Francë, Britani të Madhe, SHBA dhe Kanada. Në 20 vende të tjera përreth telefonat vijnë këtë të premte.