Reshitaj: Demarkacioni në arbitrazh, na duhet liberalizimi i vizave

Ministrja e Mjedisit dhe e Planifikimit Hapësinor, Albena Reshitaj, e konsideron si padrejtësi ndaj qytetarëve vonesën e liberalizimit të vizave.

Ajo ka thënë se demarkacioni me Malin e Zi duhet të shkojë në arbitrazh, në mënyrë që t’i hapet rrugë integrimit të mëtejshëm dhe liberalizimit të vizave.

“Shpresoj që edhe Mali i Zi të reflektojë në këtë drejtim. Ne do të lëvizim shumë procese përpara. Normalisht, duhet të ndodhë liberalizimi i vizave. Është një proces i vonuar, i shumëvonuar, por që ne do të punojmë që kjo të ndodhë. Edhe nëse shtetet e tjera provojnë ta bllokojnë këtë, nuk do të kenë mundësi. Do t’i lëvizim këto procese në rrugën e duhur. Kjo qeveri e sapoformuar ka nisur të punojë me një frymë shumë pozitive. Shpresoj që kjo qeveri të ecë me këta hapa dhe që qytetarëve të Kosovës t’u sjellim vepra dhe jo fjalë”, ka thënë ajo për televizionin oranews, përcjell albinfo.ch.