Lajme
Reshjet e borës bllokojnë trafikun në shumë regjione të Zvicrës
Kompania e transportit publik e Cyrihut ka ndërprerë linjat e saj të autobusëve dhe tramvajit në qytet dhe në Luginën e Limmat-it
Sikurse gjatë gjithë ditës së djeshme edhe aktualisht është duke rënë borë në një pjesë të madhe të Zvicrës. Por krahas borës, ka edhe reshje shiu, veçanërisht në perëndim – si në Bernë, Solothurn ose Gjenevë, njofton srf.ch.
Masat e dëborës, duke filluar nga dje kanë shkaktuar dhe po vazhdojnë të shkaktojnë kaos në rrjetin rrugor dhe hekurudhor të Zvicrës. Madje, disa lokalitete janë shkëputur nga pjesa tjetër e Zvicrës, transmeton albinfo.ch.
Edhe rreziku i ortekëve është i madh, paralajmëron Meteonews.ch. Disa orteqe tashmë kanë rënë, duke përfshirë atë midis Brienz dhe Interlaken (BE) pastaj një tjetër midis Seedorf dhe Isleten (UR) si në Ibach (SZ).
Kompania e transportit publik e Cyrihut ka ndërprerë linjat e saj të autobusëve dhe tramvajit në qytet dhe në Luginën e Limmat-it. SBB dhe kompanitë hekurudhore në Basel, Graubünden dhe Uri po raportojnë gjithashtu kufizime. Deri në kohën e pasdites do të bjerë ende shumë borë e freskët në male.
Reshjet e mëdha të borës kanë bërë që disa shkolla të ndërprejnë mësimin ose edhe të evakuojnë nxënësit. Kështu raportohet të ketë ndodhur me nxënësit e dy gjimnazeve të Cyrihut, Freudenberg dhe Enge.
Në pjesë tjera të qytetit dhe në qytete tjera të Kantonit të Cyrihut e më gjerë janë raportuar edhe rënie të trungjeve të drurëve në rrugë, përcjell albinfo.ch. Policia dhe shërbimet zjarrfikëse janë mobilizuar për heqjen e këtyre drurëve dhe parandalimin e rënies së të tjerëve që janë rënduar nga bora.
Në pjesën veriore të Alpeve vazhdon të bjerë intensivisht. Pasditen e sotme, reshjet e borës pritet të qetësohen.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
Jeta në Zvicër
-
Rritet vjedhja e biçikletave elektrike në Zvicër Në vitin 2023, kantoni i Basel-Stadt kishte incidencën më të lartë të biçikletave të vjedhura, me...
-
Gjeneva, më e pasur
-
Gjenevë: Vjedhjet e biçikletave – zgjidhen rrallë
-
Zvicër: Projekti kombëtar i testimit të tokës zhvillohet të shtunën dhe të dielën
-
Zvicra nuk do të ketë një ‘Indeks të Lumturisë Kombëtare Bruto’