Kuriozitete
Restoranti i parë nënujor hapet në Norvegji
Restoranti i parë nënujor në Evropë është hapur në Norvegji dhe ka pasur 7 mijë kërkesa për rezervime për një drekë në mes të peshqve.
Restoranti në formë tubi, i vendosur në Detin e Veriut, quhet “Under” që do të thotë “Mrekulli” në gjuhën norvegjeze. Ai është dizajnuar nga firma arkitektonike “Snoehetta” që ka ndërtuar shtëpinë e Operës në Oslo dhe Muzeun Kombëtar “11 Shtatori” në New York.
Të hysh në restorant është sikur të hysh në një saunë, pasi është me dërrasa, ndërsa shkallët tetë metra të gjata të shpien te salla e ngrënies që ka një dritare me pamje të oqeanit.
Shefi i kompanisë së arkitekturës “Snoehetta”, Kjetil Traedal Thorsen, ka thënë se baza e restorantit mund të përballojë çfarëdo moti dhe mund t’i bëjë ballë, siç ka thënë ai, edhe valës më të madhe të shekullit.
“Gjëja e mahnitshme e këtij restoranti është lëvizja prej mbiujit deri në nënujë. Dritarja e madhe ekspozon botën nënujore – jo si një akuarium, por një botë të vërtetë”, ka thënë Thorsen.
Restoranti ka reflektim minimal në xham, përmes të cilit dhoma e ngrënies ka dritë natyrale gjatë ditës që merr nuanca të ngjyrës së gjelbër shkaku i ujit. Një meny e plotë në këtë restorant kushton 3 mijë e 700 kruna ose 430 dollarë, për një person, përfshirë edhe pijet, përcjell albinfo.ch.
Nikolai Ellitsgaard, kryekuzhinier, ka thënë se myshterinjtë po vijnë kryesisht për shkak të pamjes dhe shpreson që një ditë të vijnë për shkak të ushqimit të mirë.
Restorante të tilla ka në ujërat tropikale, siç janë Maldivet dhe Oqeani Indian.
E-Diaspora
-
Gjykimi i shqiptarit për vrasjen e dyfishtë në Bazel, nën masa të forta sigurie Ai është dërguar në Gjykatën Penale mëngjesin e së hënës me një automjet të blinduar të...
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
-
Artistet kosovare, Agona Shporta e Tringa Sadiku, më 2 maj, me koncert në Cyrih
-
Taravari: Asnjë proces i rëndësishëm për vendin nuk është bërë pa diasporën
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt i Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët