Lajme
Revolucioni zgjedhor: Vetëvendosje fiton Prishtinën
Sipas rezultateve preliminare, në Prishtinë ka fituar Shpend Ahmeti me një diferencë prej 2000 votash. Edhe pse procesi nuk është i përmbyllur, Vetëvendosje po feston rrugëve të Prishtinës
Zgjedhjet e balotazhit në Kosovë duket se kanë sjellë diçka të papritur për opinionin kosovarë. Në një garë tejet interesante për Prishtinën ka fituar përfaqësuesi i Lëvizjes Vetëvendosje, Shpend Ahmeti përballë liderit të opozitës, kryetarit të LDK-së dhe ish kryetarit të kryeqytetit, Isa Mustafa.
Sipas rezultateve preliminare, në Prishtinë ka fituar Shpend Ahmeti me një diferencë prej 2000 votash. Edhe pse procesi nuk është i përmbyllur, Vetëvendosje po feston rrugëve të Prishtinës fitoren e parë në zgjedhjet komunale. Edhe vetë lideri opozitar pranoi se nuk ka fituar në Prishtinë.
Megjithatë zgjedhjet e balotazhit kanë sjellë shumë risi në qeverisjet komunale. Në shumicën e komunave ka fituar Lidhja Demokratike e Kosovës, përfshirë edhe komunat e mëdha, Pejën, Gjilanin, Ferizajn, të cilat i ka qeverisur PDK e kryeministri Hashim Thaçi respektivisht, AAK e ish-kryeministrit Ramush Haradinaj.
Pra humbësit më të mëdhenj të zgjedhjeve lokale është PDK e kryeministri Thaçi, që ka humbur shumicën e komunave, por edhe AAK e Haradinajt.
Ndërsa për të parën herë në zgjedhjet lokale fiton edhe partia e afaristit Behgjet Pacolli. Partia e këtij të fundit ka fituar Gjakovën dhe Mitrovicën.
Në Gjakovë prinë Mimoza Kusari – Lila kundrejt kryetarit të deritashëm të Aleancës për Ardhmërinë e Kosovës, Pal Lekaj. Në Prizren, ndërkaq, kryetari Ramadan Muja nga PDK ka arritur ta ruajë pushtetin, kundrejt Eqrem Kryeziut të Lidhjes Demokratike të Kosovës.
Me kryetar të ri, është bërë edhe Peja. Atje Gazmend Muhaxheri i LDK-së ka fituar ndaj kryetarit të deritashëm Ali Berisha të AAK-së. Në Gjilani ka fituar Lutfi Haziri i LDK-së, i cili ka mundur Qemajl Mustafën e PDK-së, kryetarin e deritanishëm.
Edhe Mitrovica ka pasur ndryshim të pushtetit. Agim Bahtiri i AKR-së ka mundur Avni Kastratin e PDK-së, deri më tani kryetar. Përmbysje ka ndodhur edhe në Ferizaj, ku ka fituar Muharrem Svarça i LDK-së ndaj kryetarit të deritashëm, Agim Aliut të PDK-së.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore