Lajme
Rezultatet preliminare: 63 % kundër iniciativës që kufizon migracionin
Rezultati i parë i votimit të ditës vjen nga komuna Strengelbach e Kantonit Aargau. Kjo komunë ka thyer rregullin që ndalon publikimin e rezultateve para orës 12.00
Iniciativa e SVP-së për kufizimin e migrimit nga shtetet e BE-së, sipas të gjitha gjasave do të pësojë fiasko në kutitë e votimit, në referendumin që po mbahet sot, në nivel nacional, në Zvicër
Kështu sipas rezultateve preliminare, 63 % kanë votuar kundër kësaj iniciative, vlerëson SRG. Sigurisht, është ende heret për të folur për rezultatet përfundimtare por trendi i humbjes së kësaj iniciative duket mjaft i qartë, shkruan albinfo.ch. Po ashtu të gjitha sondazhet e realizuara më parë kanë parashikuar humbjen e saj.
Rezultati i parë i votimit të ditës vjen nga komuna Strengelbach e Kantonit Aargau. Kjo komunë ka thyer rregullin që ndalon publikimin e rezultateve para orës 12.00. Ajo ka publkuar rezultatet preliminare rreth 20 minuta para kohës së lejuar. Sidoqoftë, kjo komunë fshatare i ka thënë jo iniciativës së kufizimit.
Përveç për migracionin, sot zviceranët votojnë edhe për 4 iniciativa të tjera. Në vazhdim, trendi aktual për të gjitha iniciativat në nivel të Zvicrës: 63 % JO për iniciativën e kufizimit, 53% PO për ligjin e gjuetisë, 61% JO për shtesat e fëmijëve, 60% PO për lejen e atësisë dhe 53% PO për avionët luftarakë, transmeton albinfo.ch.
Por një gjë duhet pasur parasysh: Deri më tani, votat janë numëruar kryesisht në komunat më të vogla, qytetet e mëdha mungojnë. Prandaj, numrat mund të ndryshojnë ndjeshëm.
Njohësit e rrethanave thonë se numërimi i votave kësaj radhe mund të marrë më shumë kohë, për shkak të kushteve specifike të pandemisë.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?