CH-Ballkani
Ri-integrimi prioritet i Qeverisë së Kosovës
Zëvendësministri Zeka tha se procesi i ri-integrimit është prioritet i Qeverisë së Kosovës, pasi që ka ndikim direkt në procesin e liberalizimit të vizave me Bashkimin Evropian
Kthimi dhe ri-integrimi i personave të kthyer nga vendet e Bashkimit Evropian mbetet njëri nga kushtet themelore të Kosovës për liberalizim vizash. Që mos të ketë pengesë në këtë drejtim, Qeveria e Kosovës kërkon nga liderët komunalë që t’i shpejtojnë hapat në këtë segment.
Që ri-integrimi të jetë i suksesshëm Ministra e Punëve të Brendshme është duke e hartuar draft-rregulloren e re për ri-integrimin e personave të riatdhesuar dhe menaxhimin e ri-integrimit. Pikërisht draft-rregullorja e re u diskutua të mërkurën në Prishtinë ndërmjet zyrtarëve të MPB-së dhe kryetarëve të komunave.
Zëvendësministri i punëve të Brendshme, Izmi Zeka tha se procesi i ri-integrimit është prioritet i Qeverisë së Republikës së Kosovës, pasi që ka ndikim direkt në procesin e liberalizimit të vizave me Bashkimin Evropian.
Siç thuhet në njoftim të MPB-së, zëvendësministri Zeka ka kërkuar përfshirjen e të gjithë akterëve, në veçanti të nivelit komunal, në zbatimin e rregullores për të cilën u diskutua.
“Procesi i riintegrimit është me rëndësi të zbatohet me përpikëri, në mënyrë që të mos ketë ngecje në të ardhmen. Shumica e përgjegjësive duhet të barten nëpër komuna, prandaj, duhet të jetë përgjegjësi ekskluzive e kryetarëve të komunave, që të jenë në mbikëqyrje të këtij procesi”, theksoi ai.
Edhe këshilltarja vendore e projektit të binjakëzimit, Meri Sisko Eskola ka përgëzuar Ministrinë e Punëve të Brendshme dhe Qeverinë e Republikës së Kosovës për angazhimin e bërë për ri-integrimin e personave të riatdhesuar.
Institucionet e Kosovës kanë nënshkruar marrëveshje bashkëpunimi me shumicën e vendeve të BE-së për pranimin e të kthyerve. Kthimi shkon në korrelacion me ri-integrimin e tyre në shoqëri.
Të tjera nga CH-Ballkani
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Pagat zvicerane rriten por rritja u ngadalësua nga inflacioni Ndërsa pagat në Zvicër u rritën vitin e kaluar, përfitimet u anuluan përsëri nga rritja e...
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta