Lajme
Rimëkëmbet hoteleria zvicerane, i afrohet nivelit të parapandemisë
Numri i turistëve të huaj është katërfishuar brenda një viti, duke arritur në 1.2 milionë. Ndërsa është zvogëluar numri i turosëve vendës për 8%
Rimëkëmbja e sektorit të hotelerisë zvicerane ka vazhduar edhe në maj. Në muajin e pestë të këtij viti dukshëm më shumë njerëz kanë qëndruar në hotelet e këtushme në krahasim me një vit më parë, vitin e prekur keq nga Korona.
Në maj të vitit 2021 Zyra Federale e Statistikave (BFS) ka numëruar 2.8 milionë fjetje sipas shifrave përfundimtare, transemton albinfo.ch. Kjo është 37.5 për qind më shumë se në të njëjtin muaj të vitit të kaluar, kur turizmi ndërkombëtar ishte ende shumë i kufizuar për shkak të pandemisë së koronavirusit.
Krahasuar me nivelin e parakoronës të majit 2019, megjithatë mungonin rreth 200,000 bujtje.
Në veçanti, gjithnjë e më shumë turistë nga jashtë po i kalojnë sërish pushimet në Zvicër, shkruan srf.ch. Numri i turistëve të huaj është katërfishuar brenda një viti, duke arritur në 1.2 milionë. Nga ana tjetër, ka pasur pak më pak bujtje nga turistët vendas, të cilët, në vitin 2021, për shkak të kufizimeve të udhëtimit, kishin kaluar pushimet e tyre në masë të madhe brenda vendit, transmeton albinfo.ch. Kështu, rënia e kësaj kategorie ishte pothuajse 8 për qind në 1.5 milionë bujtje.
Është rritur për më shumë se dyfish numri i vizitorëve nga Gjermania, vendi më i rëndësishëm prej nga vinë turistët në Zvicër.
Të ngjashme
Të tjera nga Lajme
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor