Muzikë

Rita Ora anulon pjesëmarrjen në Islandë

Këngëtarja kosovare me famë botërore, Rita Ora, ka njoftuar se e ka anuluar pjesëmarrjen në një festival të muzikës në Islandë.
Ora ka thënë se këtë e ka bërë për shkak se ka pasur problem me shëndetin, transmeton albinfo.ch.
“Unë jam shumë e trishtuar që duhet t’i lajmëroj të gjitha ata që e ndjekin festivalin “Solstice” në Islandë se unë nuk do të jem në gjendje të marr pjesë, ashtu siç ishte planifikuar. Unë jam duke u shëruar, pasi kam pasur një infeksion në gjoks dhe jam këshilluar nga mjekët e mi për të marrë pak kohë që të shërohen”, ka thënë Ora.
Ajo ka thënë se është e zhgënjyer pasi nuk do të mund t’i takojë fansat e saj në këtë vend. Por Ora ka paralajmëruar se do të jetë atje vitin e ardhshëm.