Rizespor kërkon 15 për qind të parave nga shitja e Muriqit

Keystone (AP Photo/Matt Dunham)

Ish-skuadra e futbollistit Vedat Muriqi, Rizespor, pritet të marrë 15 për qind të parave nga shitja e sulmuesit prizrenas tek Lazio për 18 milionë euro, plus dy milionë të tjera bonuse.

Është presidenti i Rizespor, Hasan Kartal, që e ka bërë të ditur se e posedojnë një përqindje të kartonit të Muriqit, shkruan Hurriyet.

“Ne nuk kemi pasur takim zyrtar me Fenerbahçen për Muriqin. Ne kemi një pjesë prej 15 për qind, sipas kontratës. Unë mendoj se Fenerbahçe do të na paguajë kur ata t’i marrin paratë nga Lazio”, tha ai.

Muriqi kishte luajtur te Rizespor në edicionin 2018/19, nga ku ishte drejtuar drejt Fenerbahçes.

Përqindje pas shitjes së Muriqit kanë kërkuar edhe tri skuadra shqiptare, si Liria, Besa e Kavajës dhe Teuta e Durrësit.