ROSU tërhiqet nga veriu

Pas përfundimit të vizitës së presidentit të Kosovës, Hashim Thaçi, nga veriu i vendit ku vizitoi pikën kufitare në Bërnjak dhe liqenin e Ujmanit janë tërhequr edhe pjestarët e njësive speciale të Policisë së Kosovës. Lajmin e ka bërë të ditur kryetari i Komunës së Zubin Potokut për mediat serbe i cili ka thënë se nuk ka pasur të arrestuar.

Ndërsa Zëvendëskomandanti I Policisë së Kosovës për Veriun, Besim Hoti, ka përjashtuar pohimet e zyrtarëve serbë rreth rrethimit të Ujmanit dhe arrestimeve në këtë territor. Hoti u ka thënë mediave se zyrtarët e insitucioneve të Kosovës kanë qenë aty vetëm për një vizitë të zakonshme.