Jeta në Zvicër
Rregullatori inteligjent që po i redukton problemet në autostradë
Një rregullator i intensitetit të shpejtësisë në autostradën A 14, është duke e dëshmuar vetveten, kanë pohuar nga Departamenti federal i komunikacionit. Kufiri i shpejtësisë përshtatet në mënyrë dinamike me trafikun, shkruajnë mediat zvicerane, përcjell Albinfo.ch.
Që nga pranvera e këtij viti, kur Departamenti federal i komunikacionit (Astra) ka instaluar një rregullator inteligjent në autostradën A 14, mes kryqëzimit të Rütihof dhe Rotsee, janë reduktuar kolonat. Përveç kësaj, segmenti në fjalë është bërë më i sigurt.
Ky sinjalizim quhet pajisje e varur nga trafiku për harmonizimin e shpejtësisë dhe sistemit të paralajmërimit të rrezikut (GHGw) dhe redukton gradualisht shpejtësinë maksimale në trafik të dendur në 100, apo 80 kilometra në orë, transmeton Albinfo.ch.
Të enjten, Astra ka njoftuar se ky rregullim i intensitetit të shpejtësisë ka ndikuar për 60 për qind në reduktimin e kolonave në gjithë pjesën e autostradës dhe për 25 për qind në trafikun e ngadalësuar. Trafiku ka mundur të qëndrojë për kohë të gjatë fluid.
Pajisja gjithashtu është përkujdesur për më tepër siguri në komunikacion, pasi ka ndikuar në reduktimin e ngarkesës dhe në rast të aksidenteve ose paralajmërimeve për punë, trafiku vazhdon të rrjedhë më tutje, njofton Albinfo.ch.
Segmenti në mes kryqëzimit Rütihof dhe Rotsee para Lucernit është një nga pjesët e autostradave më të ngarkuara rëndë. Në kulmin e krekuencës së madhe, gjithnjë shkaktohen kolona të gjate me kilometra të tërë dhe aksidente.
E-Diaspora
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
Jeta në Zvicër
-
9-vjeçarja Moda Ademi performoi në koncertin Rock Pop Jazz Night Para një pjesëmarrje të madhe të publikut, 9-vjeçarja shqiptare, Moda Ademi, performoi në koncertin Rock Pop...
-
Migrimi ndërmjet kantoneve zvicerane – fituesit dhe humbësit
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër