Rreziku i temperaturave ekstreme

Zyra Meteorologjike e Britanisë së Madhe ka paralajmëruar se jetët e njerëzve mund të jenë në rrezik, pasi ka të ngjarë që vendi të përballet me temperatura të larta rekord në fillim të javës së ardhshme.

Meteorologët thanë se vala aktuale e të nxehtit do të arrijë kulmin të martën, me një temperaturë rekord prej 38.7 gradë Celsius, e regjistruar për herë të fundit në Kembrixh në vitin 2019.

Temperaturat do të rriten gjatë fundjavës dhe Met Office ka lëshuar një paralajmërim për të nxehtin që pritet të mbulojë pjesën më të madhe të Anglisë dhe Uellsit nga e diela deri të martën.

Temperaturat mund të arrijnë 40 gradë Celsius në disa zona të Britanisë së Madhe, me gjasë përgjatë korridorit A1, një autostradë që lidh Londrën me Edinburgun. Met Office ka lëshuar gjithashtu një paralajmërimin për një valë të të nxehtit ekstrem./dpa