Lajme
Shtrenjtohen biletat e transportit publik në Zvicër: Karta GA, mbi 4000 franga
Aboneja e përgjithshme (GA) do të kushtojë mesatarisht 5.1 për qind më shumë. Më saktë: Një abonament GA i klasit të dytë do të kushtojë 4,080 franga
Për herë të parë që nga viti 2016, sektori i transportit publik do të rrisë çmimet e biletave në fund të vitit, pra, me planin e ri vjetor për vitin 2024, që hyn në fuqi nga 10 dhjetori i këtij viti (2023).
Mesatarisht, biletat në të gjithë gamën e tyre do të jenë 4.3 për qind më të shtrenjta se deri më tani, bën të ditur Alliance Swisspass, transmeton albinfo.ch.
Rritja e ofertës së transportit publik pastaj rritja e kostove për paga, mirëmbajtje dhe energji, inflacioni dhe në të njëjtën kohë rënia e fondeve për kompensim në transportin rajonal të pasagjerëve çuan në këtë vendim.
Kështu, çmimet për biletat teke, biletat ditore dhe ato që përfshijnë shumë udhëtime si dhe çmimet për ndryshimet e klasave do të rriten për 4.2 për qind. Karta e udhëtimit me gjysmë çmimi (Halbtax Abonamment) do të jetë pesë franga më e shtrenjtë, ndërsa aboneja e përgjithshme (GA) do të kushtojë mesatarisht 5.1 për qind më shumë, përcjell albinfo.ch.
Më saktë: për një abonament GA i klasit të dytë: çmimi është rritur me 5,7 për qind në 4,080 franga. Kjo është 220 franga më shumë se një vit më parë.
Çmimet për transportin publik në nivel kombëtar kanë mbetur stabile për shtatë vjet – nuk ka pasur kurrë një fazë më të gjatë pa rritje të çmimeve në transportin publik, shkruan Alliance Swisspass.
Në përgjithësi, çmimet në kategorinë (klasin) e parë janë rritur më pak se ato të kategorisë së dytë.
Ndërsa, karta e udhëtimit me gjysmë tarife për të rinjtë, biletat kursyese, biletat e fëmijëve dhe të shkollës, kartat e bashkudhëtimit për të rinjtë dhe fëmijët ose ato për qentë dhe bagazhet nuk do të rriten.
Të ngjashme
Të tjera nga Lajme
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit