Lajme
Rriten dërgesat e arit nga Zvicra drejt SHBA-së
Dërgesat e arit nga Zvicra për në Shtetet e Bashkuara u rritën shumë gjatë marsit, duke kapur nivelin më të lartë që nga maji i vitit 2020, sipas të dhënave të doganave zvicerane, teksa investitorët e trembur nga pushtimi i Ukrainës dhe nga kërcënimi i një ngadalësimi ekonomik global janë duke grumbulluar pllakat e arit.
Gjithashtu, pati një rritje të eksporteve të Zvicrës drejt Britanisë, e cila po ashtu si dhe Shtetet e Bashkuara është një qendër për investimet dhe tregtimin e arit, ndërsa dërgesat e arit drejt Kinës dhe Indisë, tregjet më të mëdha të konsumit, pësuan një rënie të ndjeshme.
Zvicra është qendra më e madhe e botës për përpunimin dhe tranzitin e arit, një aset që zakonisht shihet si një mundësi e sigurt për të ruajtur pasurinë në kohë trazirash ekonomike dhe politike, shkruan Monitor, transmeton albinfo.ch.
Fondet e tregtuara në bursë (ETF) që ruajnë arin për investitorët shtuan stokun e tyre me 185 tonë në muajin mars, me një vlerë rreth 15 miliardë dollarë, shifra më e lartë që nga korriku i vitit 2020, sipas Këshillit Botëror të Arit.
Kërkesa e tillë kaq e madhe nga investitorët rriti çmimet e arit gjatë muajve shkurt dhe mars. Çmimet e larta zakonisht i bëjnë konsumatorët e Azisë që të tërhiqen.
Eksportet zvicerane drejt Kinës kontinentale dhe Hong Kongut ranë gjatë muajit mars në nivelin më të ulët të një viti, ndërsa dërgesat për në Indi ishin më të ulëtat që nga maji i vitit 2021. Nga ana tjetër, eksportet për në Britani ishin më të lartat që nga qershori i vitit 2021.
Ditën e martë ari u tregtua me rreth 61,212 dollarë për kilogram.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor