Rriten remitencat për 12 për qind

Sipas Seenews, fluksi më i madh i dërgesave të emigrantëve të huaj në Kosovë ka arritur në 691 milionë euro në vitin e kaluar, krahasuar me 665.5 milionë euro në vitin 2015

Gjatë vitit 2016 dërgesat nga diaspora shënuan ngritjen më të madhe gjatë viteve të fundit duke shënuar një rritje prej 12.7 për qind. Këto të dhëna janë bërë publike nga Banka Qendrore e Kosovës e që sipas tyre, mërgimtarët kosovarë zakonisht zgjedhin operatorët e transferimit të parave për të dërguar para për miqtë dhe familjarët, përcjell albinfo.ch.

Sipas Seenews, fluksi më i madh i dërgesave të emigrantëve të huaj në Kosovë ka arritur në 691 milionë euro në vitin e kaluar, krahasuar me 665.5 milionë euro në vitin 2015, transmeton IO. Po ashtu nga gjithsej këto 666.5 milionë euro, 148.8 milionë euro janë dërguar nga kosovarët që jetojnë në Gjermani dhe 90.5 milionë euro nga ata që jetojnë në Zvicër.

Pjesa më e madhe e këtyre remitencave shkon në konsum ditor, dhe vetëm një pjesë e vogël në zhvillim ekonomik. Ekspertët e ekonomisë në Kosovë disa herë kanë kërkuar që dërgesave nga diaspora t’u ndërrohet destinacioni, nga konsumi dhe shpenzimet në shëndetësi, të orientohen në zhvillim ekonomik dhe në biznese.