Rritet numri i të burgosurve shqiptarë në Gjermani

Numri i të burgosurve nga Shqipëria, Algjeria, Gambia, Tunizia e Nigeria është rritur në vitet e fundit. Këto shifra janë konfirmuar nga Ministria e Drejtësisë

Numri i të burgosurve që janë azil kërkues është rritur shumë kohët e fundit në Gjermani, derisa në këtë listë ndodhen edhe shqiptarët, shkruan ‘stimme.de’

Autoritet e sigurisë në Baden-Wurttemberg janë gjithnjë e më shumë të shqetësuar. Numri i të burgosurve nga Shqipëria, Algjeria, Gambia, Tunizia e Nigeria është rritur në vitet e fundit. Këto shifra janë konfirmuar nga Ministria e Drejtësisë. Për disa kombësi, numri i të burgosurve është trefishuar, përcjell albinfo.ch.

Numri i shqiptarëve është rritur këtë vit nga 65 në 130. Algjerianë nga 111 në 264, tunizianë nga 22 në 69. Edhe gjeorgjianët nuk kanë mbetur prapa, pasi shpesh janë marrë me banda kriminale dhe numri i të burgosurve nga 65 ka shkuar në 166.