Maqedonia
Rritet paga mesatare, por jo cilësia e jetesës
Ndër pesë profesionet më të paguara në Maqedoni janë programuesit, të cilët në muaj fitojnë më shumë se 1,000 euro
Paga neto mesatare në Maqedoni për momentin është 24 mijë denarë (390 euro). Sipas statistikave shtetërore, kjo do të thotë se në qershor ka shënuar rritje prej 6.2% në nivel vjetor.
Qytetarët thonë se edhe më tej fuqia blerëse dhe standardi është i ulët. Ata thonë se vështirë jetohet dhe se punëtori mesatar është larg të ardhurave mesatare, raporton “alsat”.
“Kjo do të thotë mesatarisht hamë gullash, por njëri hanë patate dhe tjetri mish. Kështu është edhe kjo, dikush merr 80, 90 mijë denarë rrogë (1500 euro) e dikush 15 mijë (240 euro). Kur t’i mblidhni del mesatarja”, thotë një qytetar, përcjell albinfo.ch.
“Që moti vetëm premtojnë, por politika është vetëm gënjeshtër, njerëzit janë dele për rruajtje. Askush nuk i beson më askujt. (Për sa para kemi nevojë për një muaj?) Të themi deri në 33 mijë denarë (535 euro) mund të jetë mirë. Të paguhet energjia elektrike, uji dhe telefoni, dhe të ketë edhe për modën. Kostot për fakultet janë më të mëdha se ato për jetesë”, thotë një tjetër qytetar.
Shifrat zyrtare tregojnë se rritje më të madhe të pagave ka në sektorin e minierave që është 26%.
Punonjësit në sektorin e komunikimit kanë një rritje pagash prej 15%, ndërsa punëtorët në aktivitetet e shërbimit 12%.
Në të kundërtën, rënie të pagave ka tek punëtorët në tregtinë me shumicë dhe pakicë, tek riparuesit e automjeteve motorike, si dhe në industrinë e përpunimit.
Ndër pesë profesionet më të paguara në Maqedoni janë programuesit, të cilët në muaj fitojnë më shumë se 1,000 euro. Menjëherë pas tyre me rreth pesëdhjetë mijë denarë (800 euro) paga mujore janë punonjësit në sektorin e aviacionit, nën ta në vendin e tretë dhe të katërt janë punonjësit në sektorin financiar dhe të sigurimeve. Ndërsa pesëshen e parë e kompletojnë farmacistët.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Pse njerëzit në Austri po paguajnë më shumë taksa pavarësisht reformave federale? Punëtorët në Austri janë ende ndër ata me barrën tatimore më të lartë në botë, me...
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE